Update News

新戲上架4小時破100萬點擊 鄧健泓做神探俾Jeana兜巴摑

2018-08-28
網絡大電影(網大)近年大行其道,製作認真、規模龐大,不惜重本斟洽藝人演出;今年新婚的鄧健泓(Patrick),婚後沒有停下來,工作反而更多,他與Jeana何佩瑜、白健恩主演的網大《掃黑神探》,今日(8月28日)早上10時在騰訊視頻隆重推出,到下午2時許、短短4小時,連同預告片已破100萬點擊!
 
《掃黑神探》港味極濃,鄧健泓飾演重案組探員「林祥」,曾混入入黑幫做臥底,為人精明、重義氣有正義感。他要調查黑社會幫派「洪樂」選龍頭之際,有候選人「李竟」被綁架;而前來報案的李竟妻子張菲(何佩瑜飾),與林祥之間卻似有不可告人之秘密,令綁架案更加曲折離奇!
 
Patrick表示:「第一次拍網大感覺良好,同拍電影分別不大。今次我飾演重案組探員,原本設計咗一套比較沉默寡言嘅角色設定,但導演話網大要快狠準,所以就放棄咗。」片中有大量槍戰及動作場面,Patrick都應付自如:「因為拍攝時正正係我準備自己演唱會嘅階段,成日做運動,所以狀態都好ok架,哈哈。槍戰同動作方面,以前喺TVB都訓練有數。」
 
談到在預告片中被Jeana怒摑,兩人關係甚為曖昧,Patrick表示:「其實我做臥底時同Jeana相戀,奈何喺佢眼中我只係臥底,不過我哋之後分開係另有內情……我哋關係好玄妙,好無奈,佢仲奪走咗我銀幕上第三次接吻(輕吻那種)呀,哈哈!不過大家合作很開心,Jeana好靚、好有氣質。」
 
《掃黑神探》已於騰訊視頻隆重上架,鄧健泓與一眾演員均落力演出,希望粉絲及觀眾能多多支持。