上京遇霧霾病到失聲 唐貝詩：戴口罩都頂唔順

唐貝詩 (Lydia) 與妹妹唐貝欣早前北上探望在當地修讀EMBA(工商管理碩士)課程的媽咪寇鴻萍，但上京期間遇正嚴重霧霾，政府更發出代表空氣污染最高級別的紅色預警，結果兩姊妹雙雙抱恙，既感冒又失聲。
由於霧霾緣故打亂行程，Lydia和妹妹侷留室內活動，甚少外出，但空氣實在太差，所以兩人都係難敵病魔，Lydia說 :「北京嘅空氣污染真係好勁，我地帶咗口罩都頂唔順，一齊病咗，好彩上去北京時帶左啲藥，所以我同妹妹都頂得住，返到香港即刻去睇醫生。」
Lydia上京七日，除了與母親相聚外，在長江商學院亦結識了徐崢太太陶紅、組合羽‧泉成員胡海泉、演員曹炳琨和音樂人牛朝陽等國內演藝圈朋友，令她感受到學習氣氛，故Lydia正考慮報讀北京電影學院的進修課程，她說：「見到大家都咁認真去學習，我仲有好多嘢都未識，都想再充實吓自己，希望將來可以有更多嘅工作機會。」