梁寬囡囡「猛虎硬爬山」 Larine 36F胸壓BabyJohn

今個農曆年唯一真正本土賀歲電影《小男人週記3之吾家有喜》，已鐵定年廿九(26/1)爆笑出籠，小男人梁寬 (鄭丹瑞)將聯同擁噴血身材的囡囡鄧月平(Larine)及性感女神gf周秀娜(Chrissie)，同大家一齊歡度快樂雞年。
講到爆笑，就要提吓《小3》在健身室拍攝的其中一幕，話說扮TB的談善言對Larine勁嗒糖，所以阿談對鍾意Larine的蔡瀚億(BabyJohn)有心病，當日三人在健身室相遇，阿談同BabyJohn隻揪，使出旋風腿欲掃低情敵，但掃唔中兼碌低，身穿運動bra top及短褲的Larine即刻幫拖，施展獨門武功「猛虎硬爬山」，企上木箱跳落地鋤爆BabyJohn，豈料其胸部太大卡住BabyJohn頭部。鳴哇~~~這些機會─BabyJohn真係好艷福。
首次拍電影的Larine提起這場戲時，就以「超級尷尬」、「極度尷尬」來形容，「但出嚟嘅效果幾搞笑，觀眾應該會笑到爆肚.....就豁出去，拍啦！我覺得BabyJohn係個超級專業嘅男演員，因為導演嗌cut機時，佢係即刻推開我，仲快過我自己反應，所以同佢拍呢場戲係十分之放心。」
至於被36F巨胸夾住個頭的BabyJohn，就話拍時唔緊張：「劇本係寫咗呢場戲，仲形容得非常仔細，有晒心理準備，但到現場時，可能Larine第一次拍電影，一嚟拍呢啲場口，所以佢有啲緊張，我哋好詳細同佢講番要點，等佢唔好咁緊張，如果唔係大家都好緊張架啦。艷福就見仁見智，我覺得反而係安全，因為Larine喺個木箱跳落嚟責落我度，雖然責落我塊臉，但我要接得住，如果唔係大家一齊跌，我就着重安全多啲。拍嘅時候，我諗住盡量一take，點知拍完ng，仲竟然係收音ng，我哋懷疑係咪收音師想睇多次？結果都拍多次，都期待出嚟嘅聲會係點。」