Update News

靚靚扮霸氣包租婆 Chilam演鐵達尼號爆笑版

2016-12-20

張智霖(Chilam)與太太袁詠儀(靚靚)夫妻檔合作的真人騷節目-湖南衞視《一年級.畢業季》日前播出第八集,今集進行最後一次甄別考核,考核內容是演出話劇《夏洛特煩惱》,兩組學生派出一位同學飾演校長角色。

擔任科班組主講老師的Chilam及助教靚靚這次則在劇中扮演「搞事學生」。考核期間,飾演老師的科班學生叫Chilam及另一位女同學分別扮演電影《鐵達尼號》中Jack及Rose一角,二人更要重演經典的「You jump, I jump.」一幕。向來搞鬼的Chilam為了演好「搞事學生」角色,他從後抱住「Rose」,畫面看似浪漫,點知Chilam突然彈出一句:「you jump!I don’t jump!」然後一掌將Rose「推落海」,最後仲要笑住加多句:「Bye Bye.」,搞到全場爆笑。

另外,靚靚跟科班同學進行第一次班會,並以「睡衣」為主題,靚靚以電影《功夫》中「包租婆」造型出現,再加上她七情上面的表情,睇到全班學生眼都突埋,十分搞笑。