刨史旦尼斯拉夫斯基名作 唐貝詩學戲師成與狗為伴

先後參演過《導火新聞線》及《江湖悲劇》兩部電影的唐貝詩 (Lydia)，過去一年又學唱歌又學跳舞，更分別報讀專業劇場實驗室課程、鍾景輝的「方法演技工作坊」、黃秋生和甄詠蓓的「神戲大師班」這三個演技課程，而最近她報讀梁永能 (Dymo)的「拉闊劇團演技班」亦告畢業，可以師成落山演出11月開鑼的慈善舞台劇《離家出狗》。

Lydia說：「我啱啱讀完Dymo嘅課程畢咗業，呢個課程係針對舞台劇，其實我細個時都做過舞台劇，自己好鍾意drama，而家將興趣變成職業，實在太幸福啦！之後我都會繼續報一啲唔同嘅演藝課程，同埋我呢排都睇緊《喜劇之王》嗰本史旦尼斯拉夫斯基嘅《演員的自我修養》，希望多啲增值。」

自從參演電影後，Lydia想有進一步的發揮，所以跟隨不同的師傅學習，「每個師傅都有唔同嘅嘢學，我係好大戲癮，想不斷想演戲。我之前嘅演技好難睇，例如演讀白戲咁，好明顯係講對白，而唔係演緊戲，但跟唔同嘅老師會學到唔同嘅道理同埋技巧。」近日Lydia已密鑼緊鼓為舞台劇作準備，劇中她除與柳俊江有對手戲外，與一頭狗狗亦有多場戲份，所以她不時與這隻狗狗見面，增進人狗情。