極罕進口韓國扮俏護 莊思敏女神look拍廣告堅hot

近年全球受「韓風」吹襲，韓星不斷「出口」，但莊思敏 (Jacquelin) 卻成極罕「入口貨」，獲韓國護膚品牌 Wisderma 邀任品牌精華素的代言人，成為首位打入韓國市場代言的香港藝人。早前她專程飛到韓國為品牌拍攝電視廣告，廣告會在香港及韓國播放。

今次三日兩夜、長達20個小時的拍攝過程，品牌特意找來G-Dragon的造型師、AOA、Sister及少女時代的化妝師，為Jacquelin設計造型及化妝，拍攝當日她先後化身長髮女神、女護士及OL三個不同形象，當中又以身露背薄紗晚裝的長髮女神造型最索，不過這個造型要在室外拍攝，但天氣熱到抽筋，

飄逸背後其實都大汗叠細汗。

對於成為香港首個藝人任韓國品牌的代言人，Jacquelin表示：「我哋第一次嘅合作係非常之開心、愉快，成個團隊都好好，可能之後都會有多啲唔同類型嘅合作。」Wisderma 所屬公司的另一戶外運動品牌 Kolon sport 由宋仲基任代言人，跟宋仲基「同公司」，會否有合作機會？她說：「聽佢哋講公司有計劃搞個活動，到時佢都會出席。」對於人人都想打入的韓國市場，Jacquelin說未來有機會於韓國發展：「而家都傾緊喺韓國嗰邊會做一啲嘅扮靚節目，可能嚟緊都係去韓國做節目。」