靚靚再唱《夢伴》威番次 張智霖牛一開騷萬人賀壽

 

生日大日子，最好梗係可以同自己最愛，加上最愛自己嘅人一齊過！昨日 (27/8) 踏入45歲的張智霖（Chilam），生日正好在上海浦東的梅賽德斯奔馳文化中心舉行歷時兩年之個人巡迴演唱會尾站中度過，除了獲全場逾萬粉絲一齊唱生日歌，老婆袁詠儀 (靚靚) 更拎埋蛋糕上台一齊慶祝，夠晒難忘。

昨晚演唱會全場爆滿，Chilam獻唱多首經典名曲，期間靚靚推出兩層高、有cool魔造型的生日蛋糕踩上台時，更引發全場觀眾齊向Chilam唱生日歌慶祝，靚靚並向老公送上祝福：「生日快樂，祝你身體健康、越賺越多、繼續為我及兒子服務。」逗得全場觀眾大笑，Chilam又即時許願：「我的願望非常簡單，就是希望在座每一位都幸福快樂。」之後他還請現場觀眾上台玩問答遊戲，大送月餅。

好戲在後頭─話說兩年前Chilam在港開騷，靚靚上台開金口唱了一至兩句梅艷芳的《夢伴》，今次在巡唱上海最後一站，Chilam就對靚靚笑說：「我在香港的演唱會，第二場的時候請她來當表演嘉賓，我不明白為甚麼她唱了一句還是兩句，是故意的，對不對？因為如果當天唱完之後，今天就不能再來。」靚靚即說：「最好的東西當然是留在最後。」緊接Chilam將舞台交俾太太，當現場響起《夢伴》的音樂時，靚靚居然叫停，然後豪氣干雲地唱了一段《上海灘》，她非常滿足地大嗌一聲yes！「很舒服，我很想唱這首歌，但張智霖不讓我唱，他說一定要唱我最好的那首歌。」呢次靚靚冇甩拖，完整地唱晒成首《夢伴》，台風亦仿照阿梅，雖然有少少甩，但已唱得相當不錯，為演唱會掀起高潮。