影壇橡筋人馬拉撞鬼 張建聲變虬髯客又瘦十磅

張建聲 (Justin) 之前曾以大半年時間增肥 60 磅拍攝電影《壹獄壹世界：高登闊少踎監日記》，拍完後隨即在四個月極速減肥 50 磅，回落到150 磅標準身型，但畢竟在一年內體重上落超過100 磅，要保持穩定磅數實在非常困難。今年農曆年時，因為天氣凍又多美食，結果Justin 反彈肥了十多磅，渾圓臉部慘變魚蛋頭。

Justin 這個影壇橡筋人並非浪得虛名，近日他接演在馬來西亞取景拍攝之新片《鬼網之二重生》(暫名)，本來與導演溝通後，他所飾演的紋身師角色只需減肥 5 磅，最後他卻在一周內瘦10 磅兼留鬚，成個不羈佬look與《壹獄》肥仔有天壤之別，Justin 說：「可能曬黑咗留咗鬚，馬拉天氣都熱，可能熱又再瘦啲啦，至於今次個造型係我同導演一齊諗，開頭設定諗住用假鬚或者唔要鬚，但啲鬚留吓留吓又幾自然、幾好睇，所以用咗呢個造型。」

片中Justin 飾演紋身師，起程前他專程跟紋身師傅學藝，亦試過用豬皮作紋身練習；而抵馬拉後，除了拍戲之外，他亦一嚐地道肉骨茶及貓山王榴槤，最令他驚喜的是在馬拉逛街時，竟然有馬拉影迷認出他這個《壹獄》肥仔，「依家瘦咗咁多都有fans認得，當然好開心，所以我會繼續演多啲唔同類型嘅電影，俾自己多啲挑戰。」