半裸打拳接廣告 王宗堯搵錢開劇益同業

香港製造的男神王宗堯 (Greg)，敢言敢行的個性令他一直成為廣告商寵兒。踏入今年後，他在短短6月個內已拍了香港寬頻、Extra香口膠、還有一個飲品及新鮮出爐的 MENs Biore 10倍炭控油深層洗面膏等合共4個廣告。在新推出的洗面膏廣告中，Greg要在灑水花的環境下半裸踩上擂台，與對手打拳，以打拳要贏就要層層深入進攻，來寓意和擊退臉部油脂污垢同一道理，甚有創意。

之前Greg曾以爆笑形式二次創作Cookies名曲《心急人上》，唱出馬甩版《心急男人上》來拍攝洗臉膏產品廣告，所以今次改以正經又夠man的意識形態示人，Greg說：「今次係拍番一個有型啲嘅廣告，但我而家路線偏向冇咁有型嘅時候，都盡量啦，好彩本身打拳都ok，加上個武指、即係我嘅對手有合作過，現場打拳、套路都好free fight，係好玩嘅，再加上想做有少少落雨嘅感覺，件事出嚟就幾型，只係相對嚟講劇組會難啲，我又唔係拳手身型，佢哋要就我好多，又要打又要靚仔更加難，但係好好嘅係依然有廣告商好樂意搵我拍廣告，我都好感謝，希望下半年繼續有廣告拍。」

Greg job 多廣告多，賺埋唔少，不過搵得嚟使得去，相當瀟洒，他笑說：「我會好任性地攞呢啲拍廣告嘅錢，同埋我其他工作嘅酬勞，去做自己想做嘅project，例如我任性地拍咗陳詩慧嘅《 We are not afraid 》mv，嚟緊仲想自己籌備電視劇，亦想籌備一個騷，希望可以搵番多啲待業或者香港嘅工作人員嚟開工。最緊要大家一齊有飯食、有工開就最開心。」