《導火》熱血再燃35萬人心 方健儀一鎚定音：重返傳媒

《導火新聞線》電影版於兩周前發佈第二條全新預告片 ( https://www.facebook.com/smartpostHK/videos/1741548756101381/），劇透了片中的「囧報」從紙網走上網媒的hit rate大戰，以及涉官員包庇、司法漏動的議題，宣傳片貼地反映的社會狀況，至今日為止已hit中35萬網民；這以電影預告片以言，瀏覽量相當不俗。

定於8月4日上映的《導火》除了劇集幕前原班人馬王宗堯、周家怡及楊淇外，亦加進了新角色吳孟達及方健儀。今次方健儀客串飾演一名電視台主播，首次拍電影的她直言想跳出過往新聞報導員的框框，若將來有機會再拍戲，她笑言要嘗演奸角：「我想做奸角，真係好大突破，雖然有啲人覺得奸角影響形象，但而家嘅觀眾好聰明，係分辨到。」

曾是電視台首席記者兼主播的方健儀，自年前離開電視台後發展更多元化，但近期她眼見紙媒步入寒冬，亦戥同業心痛，她說：「我仍然好熱愛新聞行業，每一次見到紙媒結業或者縮減人手都好心痛，可能我先生仲喺傳媒做，我一直好關心全個傳媒發展同manpower呢個人力市場嘅情況，都會身同感受；而家係幾矛盾，處於傳統傳媒同新傳媒之間嘅衝擊，因為網絡太發達，唯有大家多棲發展去兼顧方便讀者，比如camera man或者攝影師，要孭多部機或者影完相要轉功能影埋video，佢哋嘅工作量增加咗一倍，但係我相信佢哋嘅收入不成正比，我係戥大家辛苦，所以要咬緊牙關唔容易。」

現時方健儀是freelance，不過她的最大願望，始終係重返傳媒業，「我而家好似天空中飛翔，但有朝一日我都會落地生根，生根係會搵傳媒機構。」