大家姐好勇鬥狠 唐紫睿難頂男人除作嘔

因為參與viu TV《G-1格鬥會》成為話題人物的唐紫睿 (Hazel)，日前上港台節目《有冇搞錯》接受鄧健泓、黃冠斌和彭詠儀三位主持訪問，Hazel透露因家庭成長背景關係而自小養成獨立性格，加上又是家中長女，要保護兩位比她小三歲及十歲的胞妹，所以小時候的她已好勇鬥狠，會跟其他細路打交。Hazel說：「我細個屋企環境唔好，幾歲時喺托兒所長大，因為爹哋媽咪返工，我再大啲就喺人哋屋企寄養，由細到大都會同人爭嘢玩；我對落有兩個細妹，所以我好大家姐性格，有咩人恰細妹就會出手，係有少少好勇鬥狠性格，覺得有責任保護身邊既人，但我記得細個成日俾隔離屋個肥妹咬到流晒血。」

自恃天生身形偏瘦食極唔肥，一年前仍是零運動的Hazel在接下《G-1》後，運動量由零跑到一百，高峰期每日習訓五粒鐘，箇中辛苦係攰、痛、暈、嘔、傷，相當慘烈，她說：「當時我係驚心臟負荷唔到突然休克死咗，心真係跳得好快，會暈，我經常性練習會嘔，因為玩BJJ (巴西柔術) 同啲男仔攬埋一嚿，又流汗，好臭，又要翻嚟覆去，有時踢到雞心位、肚腩，真係會反胃。」Hazel覺得練巴柔最困難係摔技，因為容易扭傷腳踭，撻落地又會撞傷膝頭，每次練習都痛到飛起。