不和真相 訓練變斷頭 唐紫睿爆缸唔怕痛 砌低郭思琳

viu TV女子格鬥真人騷《G1格鬥會》日前播出唐紫睿（Hazel）及郭思琳對壘，一直有傳兩人為今場比賽，由台上鬥到台下致反面收場，節目中終於播出不和源頭，原來是練習期間思琳對Hazel使出「斷頭台」鎖頸致Hazel幾乎窒息。Hazel在練習片段中更直斥思琳：「妳都唔係同我試，一嚟就鎖我嘅！」

節目中Hazel與思琳對賽之前，播出兩人練習備戰情況，其中練習摔技一環，Hazel按指示走向思琳抱對方腳試摔，可是思琳同時用右手對Hazel圈頸，使出其於第1圈初賽擊倒另一參賽者王蘊妮Mimi的稱為「斷頭台」絕招，Hazel不防對方有此一著，被鎖得幾乎窒息，兩人最終倒地分開，Hazel即直斥：「妳都唔係俾我試招嘅？一嚟就鎖我嘅？唔同妳練呀！」之後節目組訪問兩人，思琳卻語帶輕佻說：「可能佢小氣啩？訓練吖嘛，訓練都整到佢咁咪對唔住囉！大家玩下啫！」Hazel則表示：「當時我叫晒痛，佢都唔停手，而且真係用力去鎖我。如果佢係有心嘅，我會覺得有啲卑鄙囉。」

雖然思琳因手傷聲稱影響狀態，但其實所有女參賽者都因為平日操練或比賽而各有傷患，Hazel右手韌帶受傷，連手腕亦變形，但同樣抱傷上陣，昨晚節目見她咬實牙關，盡顯其練習有成的MMA功架，拳證一聲「Fight」，兩女埋牙互砌，Hazel一記重拳打得思琳幾乎倒地，一副賽前揚言要一分鐘內KO對方的決心和態度。之後兩人地戰場面較多，Hazel一直處於上風，但也食了思琳幾記重拳致鼻血直流，需要在首回合完結後回繩角止血。第二回合兩人一直駁拳及地戰，最終Hazel以明顯較熟練技巧，以一記十字固（armbar）鎖贏思琳，成為今場勝出者，將會與另一邊劉燕妮（Rika）及鄧穎芝（van仔）的勝方，繼續在下一輪打一場硬仗。

Hazel昨晚亦有收看節目，提到爆缸一事，她說：「其實我係唔怕痛，反而嗰刻只係唔想其他人睇到我流鼻血，自己呻晒啲鼻血出嚟，因為我驚裁判嗌停。不過而家睇番節目見到自己流血，我真心覺得自己打呢場G1格鬥會係冇錯。我流鼻血冇問題，但我塊臉有啲唔應該嘅抓痕，我係唔開心。」對於與思琳之間是非，Hazel謂她已在facebook講過，昨晚節目亦交代得一清二楚，觀眾眼睛係雪亮，毋需在這話題上再作糾纏。