恨做女版秋生 莊思敏擇偶搵矮仔

黃冠斌和彭詠儀主持的港台深宵節目《有冇搞錯》訪問，她在節目中透露近年以拍戲為主，希望開拓更多戲路，「開頭拍戲都係做一啲外形似嘅角色，女強人硬淨啲嗰種，或者八婆仔咁，慢慢同監製同導演熟咗之後，佢哋對我了解多咗，自己多咗發揮機會。我最想做嘅係好似秋生演嘅角色，heavy啲，因為之前啲角色都比較容易做。」
Jacquelin的演藝事業發展多姿多采，反而感情上比較單調，對上一次她公開承認的男友已是吳浩康，對於擇偶條件，出名高妹的她反而不求男友高大威猛，她說：「唔使高過我，身高樣貌唔重要，溝通先係最緊要，其實係搵個啱傾，需要一個膊頭啫，唔一定要結婚生仔，最緊要係搵一個精神伴侶。」