【家駒慈善騷】 48小時內部認購爆滿 世榮邀群星 新歌延續愛

由葉世榮擔任發起人的《家駒…愛心延續慈善演唱會2016》，已鐵定於Beyond已故主音黃家駒6月10日54歲生忌之日假灣仔會展舉行，演唱會收益扣除成本後，將全數撥捐保良局和福幼基金會。在剛過去的周三(13日)，主辦單位率先進行內部認購 $1,280及部分$980兩種門票，結果在短短48小時內火速售罄，反應極其踴躍；而本周三(20日)，演唱會將正式在快達票售票網公開發售。世榮得悉慈善騷內部認購全滿，當然開心不已：「梗係高興，咁多朋友支持真係好感動。不過我想呼籲啲歌迷唔好隨便相信中介公司買飛，一定要以官方公佈作準，因為而家好多騙子。」

今次演唱會暫定演出歌手有太極、梁詠琪、側田、林曉培、盧巧音等，還有其他歌手及神秘嘉賓陸續加入。其實近日世榮已碌人情卡，廣邀群星灌錄演唱會主題曲《延續》，憑歌寄意把家駒生前的大愛精神放入新歌，繼續薪火相傳，所以錄音歌手既有80年代樂隊亦有新一輩歌手，世榮說：「我哋喺呢幾日已經錄音，我寫《延續》呢隻歌，邀請咗好多唔同嘅歌手合唱，有啲從來未合作過嘅歌手都好踴躍支持，出嚟嘅效果非常好；當然仲有久別重逢嘅樂隊朋友，好似太極，見到佢哋就好似返番好多年前一齊做嘢嘅時候，係件好開心嘅事。」