Update News
鄧健泓開咪爆鬼故 張建聲撞狐狸精失控
2016-04-19
由鄧健泓、黃冠斌和彭詠儀主持的港台深宵節目《有冇搞錯》，日前請來張建聲 (Justin)擔任嘉賓，講述他入行以來的心路歷程。Justin由模特兒到連拍三部三級片再加入蕭定一公司擔正主演話題電影《一路向西》，當時他由靚仔男模變成薯頭向西仔，單單造型搞足三個月，期間他每次返公司都莫名奇妙地被製作部同事鬧到開花，徹底摧毀尊嚴，「有一日我終於崩潰咗，披頭散髮、着拖鞋咁返公司，咁就搞掂啦！同事話就係要我咁樣。之前佢哋不時單打，但又唔會全部說話講俾你聽，個個都好戲，其實我公司最number one嘅artist係蕭定一，哈哈。」鬧者愛也，其實同事都係希望Justin能拋開包袱，所以先出此「苦肉計」，迫他「重新做人」
Justin又揚言從不擔心被定型為三級男星，「啲人對我會有期待，因為都知我一出道以來行偏鋒路缐，你估以前年代徐錦江大俠咩？我係好多嘢都想挑戰。」後來他拍《壹獄壹世界：高登闊少踎監日記》，從140磅增肥到200磅，諗番轉頭都得人驚，「嗰時每日飲四杯最勁卡路里嘅增肥奶粉，飲到想嘔，但又唔可以嘔，夾硬吞番落去，係double享受，仲要食正餐。拍完戲之後又要減番，嗰時咁啱我接咗個代言，唔減會死，每日食一餐，叉燒飯走汁，每日又要健身，但之前好耐冇做運動，所以成個五、六十歲老人家咁。」
雖然Justin乜都夠膽試，但有兩件事他提起都驚，其一是他怕黑和怕獨留房間的感覺，其次就係靈界異事，未入行前他更試過在台灣發生鬧鬼經歷，爭啲冇命，Justin說：「有年係做model出trip做嘢，喺酒店要自己一間房，第二晚瞓覺時，有人喺側邊講嘢，仲要唔同語言，我以為電視聲冇理再瞓；但第二朝竟然眼有黑線，好似黑嘅青筋，連妝都上唔到；去到第四晚，我終於聽到有把聲，係講廣東話，『唔好俾佢醒，由佢繼續瞓！』最恐怖係我見到好多狐狸嘅影，我嗰時已經係彌留狀態，好不期然行去窗度，好神怪。到第五日真係唔得，我返咗香港，落機即刻打俾阿媽，第二日就搵咗個神婆，佢話：『係，你瀨嘢啦，小朋友！』」對方為他作了一場法事，之後Justin亦平安無恙。
雖然Justin乜都夠膽試，但有兩件事他提起都驚，其一是他怕黑和怕獨留房間的感覺，其次就係靈界異事，未入行前他更試過在台灣發生鬧鬼經歷，爭啲冇命，Justin說：「有年係做model出trip做嘢，喺酒店要自己一間房，第二晚瞓覺時，有人喺側邊講嘢，仲要唔同語言，我以為電視聲冇理再瞓；但第二朝竟然眼有黑線，好似黑嘅青筋，連妝都上唔到；去到第四晚，我終於聽到有把聲，係講廣東話，『唔好俾佢醒，由佢繼續瞓！』最恐怖係我見到好多狐狸嘅影，我嗰時已經係彌留狀態，好不期然行去窗度，好神怪。到第五日真係唔得，我返咗香港，落機即刻打俾阿媽，第二日就搵咗個神婆，佢話：『係，你瀨嘢啦，小朋友！』」對方為他作了一場法事，之後Justin亦平安無恙。