馬爾代夫曬日光浴 胡杏兒破格泳look堅fit

胡杏兒和丈夫李乘德 (Philip) 近日剛完成長達75天的環球蜜月之旅返港，入行以來從未放過長假的杏兒，在這段浪漫假期中分別去過日本、大溪地、紐西蘭、美國、英國、希臘、馬爾代夫等十多個地方。在最後馬爾代夫的一站，李氏夫婦盡情享受陽光與海灘的同時，杏兒更加作了一個破格新嘗試─就係第一次影泳衣相留念。
當日杏兒影相玩即興，穿上黑色兩件頭泳衣在沙灘拍照，身形fit到漏，在陽光映照下，既健康又性感，甚具異國風情。另外她披上橙色薄紗漫步淺灘；又着白長恤輕露香肩，抱膝坐於石灘上欣賞夕陽，配上波光粼粼浪濤拍岸的景緻，的確靚人靚景靚如畫。
其實杏兒除了前年與閨密遊船河時被拍下泳衣照外，她私下未曾試過影泳衣相，今次是正式第一次影泳衣照留念，她說：「影呢輯相時，係去度蜜月最後一個站馬爾代夫，我哋住嗰間酒店入面，有一間店舖係專幫人影相留念，間舖嘅職員知道我哋嚟咗，就建議影輯相。成件事係好即興，冇化妝整頭，戴副超就影。馬爾代夫啲景同陽光都好靚，所以點影都有好有感覺。」
對於自己的身形，杏兒就笑說，「身形永遠都可以再好啲，而家比較興健康型，自己都想多啲肌肉，都好努力去練。」所以她最喜歡拎住滑板擺甫的那張相片，感覺夠晒sporty。