公開表白：「對你依然心動」 張智霖袁詠儀愛情保鮮25年

張智霖 (Chilam)和太太袁詠儀(靚靚)參演的浙江衛視真人騷《一路上有你》第二季(12日)正式播出，Chilam在首集節目提到太太時就說：「我的老婆真的沒有甚麼不好，就是太喜歡買東西了。」另外兩位明星老公沙溢和王岳倫亦各有婚姻苦惱，所以劇組特別安排補辦婚禮，為三對夫婦尋回初心激情。
這場浪漫婚禮在北京舉行，披上婚紗的靚靚明艷照人，她說：「我從來不覺得兩個人結婚，一定要豪華的婚禮。bling bling的鑽戒，但是如果有的話，我也覺得是一件美好的事。」現場有人問三位明星太太有至今對另一半還有沒有心動感覺？靚靚搶答：「我有，我不知道他有沒有啊？」藏身佈景板後的Chilam聽到即刻甜晒，回應「老婆，我愛你！」冧到殺死人！
不過，Chilam在婚前一刻竟然作反，跟隨兩位明星老公走佬，去老撾舉行單身派對，蒲吧飲酒，靚靚收風後馬上殺到，而Chilam為完成移師在老撾舉行的傳統婚禮，身無分文的他必需在當地搵證婚人、禮金及金飾，過到這三關才完成任務；結果靚仔當然有着數，加上講得一口流利英語，Chilam好快就搵到一班老撾小學生做證婚人，又成功向一名老撾女生借金戒指，最搞笑的是他走去金舖「典當」，以價值四千元美金的太陽眼鏡換來一枚小金戒；但同時間，靚靚就急到爆廠，打電話俾Chilam大叫：「你有冇搞錯呀？去咗邊度呀？咁樣走咗去？明明搞緊婚禮，你話你去咗邊度吖？你講！」但風趣的Chilam很快將太太怒火撥熄，更成功引導老婆講出每晚臨睡前都會做的習慣，就係講「老公晚安」，然後錫錫，他又憑引到太太答中問題贏禮金，堅醒！