購物狂靚靚 手袋滿屋 寵妻張智霖 舉手俾like

張智霖(Chilam)和袁詠儀(靚靚)浙江衛視的明星夫妻真人騷《一路上有你》第二季，已鐵定(3月12日)晚八點二十五分首播，節目首段宣傳片亦終於在近日曝光，片中的Chilam和靚靚表面上展現女強男弱，實情則是現代夫妻間的一種有趣相處模式。

靚靚買袋成癡眾所周知，在上一季節目中，Chilam曾在懸崖放聲大嗌「老婆，不要再買包了」，但口裏說不，身體卻很誠實，Chilam繼續錫老婆錫到燶，今次宣傳片就一次過滿足靚靚對包包的所有渴望。

片內的靚靚對住一屋靚袋，個個袋都要拎，本來掛住打機的Chilam即刻變身小助理幫老婆接包包，眨眼之間Chilam已被埋在堆滿包包的小山中，但依然伸出一隻手，直豎姆指對老婆俾like，可見靚靚在Chilam眼中，幾時都係可愛的老婆大人。