時興閃婚 孖鄧健泓遊美 石詠莉：唔好太多揣測

石詠莉(Sukie)早前去了美國度歲，此行她主要是到舊金山為《第59屆全美華埠小姐選舉》擔任表演嘉賓，當晚她獻唱了幾首歌曲，當中她演唱輕快版的《從不知》時，與一班舞蹈員載歌載舞，令久未在台上跳舞的她感到很有趣，她說：「一路唱一路跳嘅感覺好奇妙，有重拾以前做跳唱組合時嘅感覺，原來自己都有五、六年冇跳住舞唱歌，但自己又一啲都唔陌生，幾得意。」

今次Sukie赴美因利成便充電放假，鄧健泓 (Patrick) 亦做了跟得男友，除了探望當地親友外，也為女友演出打氣；之後兩人hea留三藩市，共度幾日反璞歸真的簡約旅程，Sukie說：「我好鍾意大自然，呢次我哋有留喺三藩市睇吓風景，踩吓單車，環遊金門大橋，又睇街頭表演，啲表演者係用唔同嘅樂器演出，所以見到啲音樂人會有交流，都可以啟發自己創作靈感。呢次旅程真係好開心，又去咗酒莊試酒，去咗一啲唔同地方感受文化氣息。」

不少藝人都鍾意在外地秘婚或閃婚，Sukie同男友去美國，少不免惹人懷疑，她卻笑說：「冇喎，唔好有太多揣測，哈哈！我去美國係做嘢，好開心，完！」