3.12勒令家法如山 靚靚變花木蘭落柯打 Chilam拎鉆板等煮飯

張智霖(Chilam)和袁詠儀(靚靚)參與的浙江衛視《一路上有你》第二季，今日劇組正式公佈已定於3月12日星期六晚上八時二十五分首播，兩款充滿歡樂感的新海報亦同步曝光。
Chilam和靚靚及韓國人氣偶像金希澈在第一季節目中深得網民喜愛，在網民勁撐兼強烈要求下安哥再演，並與新加入的李湘和王岳倫、沙溢和胡可一齊展開第二季拍攝。今日劇組發佈的海報分古裝版及現代版，兩款海報都有齊三對明星夫婦亮相；在古裝版的海報上，Chilam變身靚仔「家務狂魔」，一心為「花木蘭」靚靚洗衣煮飯，一身戎裝但手拎鉆板及勺子，堅定地守護着英姿颯爽的老婆，配上「三更造飯、五更洗衣」「家法如山」、「不可違」的標語，單睇海報已知今次Chilam和靚靚會帶俾觀眾無限笑聲。
至於現代版海報則以時鐘為元素，俯視的城市為背景，三對明星夫妻在時鐘指針上sweet相擁，Chilam和靚靚的合拍依偎，正正寓意了節目重點：珍惜眼前，一路上有你。