馬浚偉舞劍初邂逅 周秀娜陀龍種陷險境

周秀娜首次拍劇，她有份演出的《宮心計2深宮計》、其角色「鄭純熙」終於在昨晚 (13/6)登場。今次 Chrissie飾演的妃子「純熙」，既是「太平公主」陳煒的外甥女，也是一個心地善良、自小於溫室長大的千金小姐，昨晚一集她在樹林初會飾演「唐玄宗」的馬浚偉，兩人舞劍傾情，其後劇情就推進到陳煒將她當成棋子，放入宮中侍候皇上。

 

娜姐憑「純熙」的純善個性，打動了皇上，轉瞬就成為最得寵的妃嬪，但宮內佳麗互片爾虞我詐，好人當災，奸妃當道，娜姐愈是得到寵幸，愈是危機處處，皇后胡定欣設計陷害，令懷有龍胎的娜姐集集處身險境，命懸一線。

 

不少觀眾都以為娜姐的加入，會跟妃子爭寵鬥餐死，但其實「純熙」是宮中清泉，跟坊間聯想剛好調轉，娜姐說：「我係俾人恰架，『純熙』好好人、好善良，但佢俾人害，之後嘅角色發展都好可憐，我拍嘅時候都覺得『純熙』慘，睇劇本時都會被感動。拍呢套戲我都用咗好多心機，啲台詞又難讀，真係要死背，喺呢方面要做足功課，希望觀眾會一路睇落去，都鍾意『純熙』呢個角色啦。」