Update News

初會英超球星 Celine懵盛盛:我唔認得佢哋

2018-06-11
小巨肺譚芷昀 ( Celine ) 昨日到香港足球會為「傳奇再現-英超足球邀請賽」擔任壓軸表演嘉賓,與一眾英超名將包括科東尼、趙俊傑、沙夏、科尼、迪贊巴、貝碧托夫、伊保爾、施薩、羅倫、簡奴、蘇金寶、拉卓卡、沙賓、基巴臣、溫特本等初次會面,操得一口流利英語的小 Celine 當然受到球星歡迎,眾人更合照留念。
 
小 Celine昨日在球場草地上高唱《Top Of The World》及《That The Way It Is》兩曲,由於天氣炎熱,兩曲唱罷都已經熱到大汗叠細汗,不過小朋友總有用不完的精力,轉頭她又同妹妹 Dion 在室內地方四圍跑,仲不停玩手機的影相變臉模式,令在旁人員個個大笑。
 
對於能夠在一眾英超傳奇球星面前獻唱,Celine 感到榮幸又難忘:「其實我唔認得佢哋,但係知道佢哋都係踢波好叻,好似C朗、美斯佢哋一樣係冠軍球員,又係我知道嘅曼聯球員,見到佢哋覺得好 amazing。」