杏兒反面踢爆 張繼聰與假龜傳心勁老尷

一個似曾相識的畫面：動物傳心師望住隻龜傳心，但其實 ─ 龜係假嘅！

這震驚網民的一幕，在 hmvod 原創劇頭炮《向西聞記》的《畜牲傳心師》今日 (3月16日) 已經播出的下集結局篇內，就由張繼聰飾演的動物傳心師繼續呃呃呃，借狗借龜欺騙心中女神胡杏兒的感情。

 

《向西聞記》係諷刺時弊的港式貼地題材，上星期播出的《畜牲傳心師》上集，扮演靠呃搵食動物傳心師的張繼聰想追胡杏兒，但繼偷食唔抹咀、被杏兒發現其車廂有女裝內褲後，另一更老尷的場面會在下集出現，就係張繼聰相約杏兒去餐廳撐枱腳企圖示愛，但未開口已被杏兒踢爆大話連篇，揭阿聰同隻假龜傳心，令他瘀到搵癃捐。

 

張繼聰飾演的神棍，呃人呃己，但一鋪清袋後，衰到盡頭又會有新一頁，所以整個《畜牲傳心師》的單元充滿黑色幽默，抵死爆笑之餘帶絃外之音，讓人細味。