《向西聞記》糾纏四女 張繼聰車廂現底激嬲杏兒

人氣影視點播平台 hmvod 為慶祝誕生一周年，特別自製的原創港劇、改篇自本地最強網絡作家向西村上春樹之最受歡迎短篇小說作品《向西聞記》，當中的《畜牲傳心師》上集已於昨日 (3月8日) 在 hmvod 全球免費首播。

《畜牲傳心師》由張繼聰和胡杏兒主演，今次雖是兩人首度合作拍劇，但拍攝過程非常順利及愉快。至於故事就講述張繼聰飾演沽名釣譽的動物傳心師，四出招搖撞騙，開班授徒兼呃女仔，先後和杏兒、陳意嵐、杜小喬和甄詠珊發展各類感情線。

劇集一開場，阿聰就做老襯同甄詠珊結婚，但男人行到呢一步各有前因，然後故事就述說阿聰在婚前的不軌行為：由轉行做動物傳心師後，不停講大話呃女仔，就算遇上最愛的胡杏兒，依然死性不改。其中最搞笑的一幕，係講阿聰揸靚車載杏兒，但當杏兒上車後，阿聰先知大鑊鳥，因為車廂竟然有條女裝內褲，偷食唔抹咀留下風流罪證，真係尷尬到嘔。

《向西聞記》題材貼地、生活化，阿聰飾演的神棍角色夠賤又抵死，而且《向西》打破電視劇傳統，在對白及內容上有更多發揮空間，故廣受網民注意。