Update News

《閃電傳真機》集體回憶返嚟! 鄧健泓 mv 滿載六好友故事

2018-02-26
久違樂壇的鄧健泓 ( Patrick ) 在相隔十年後,將於 4 月 29 日出山,於旺角麥花臣球場舉行演唱會,其包辦作曲、填詞之演唱會主題曲全新 mv《那年。某日》已於昨日曝光 ( https://www.facebook.com/patrick.tang.3511/videos/2118857875025710/ )。今次 Patrick 的演唱會當然有集體回憶的部份,說到回憶,舊人、舊物、舊事,Patrick 當年在經典兒童節目《閃電傳真機》的搖籃長大,這個成長階段是他的難忘歷程,所以新 mv 除了切合回憶的主題外,最令人驚喜的是《閃電傳真機》動人回歸,三位舊拍檔主持譚玉瑛、麥長青 (麥包)、蓋世寶都在 mv 現身客串,另外參演的嘉賓尚有 Patrick 好友孫耀威、蔣志光和鄭敬基。
 
《那年。某日》的 mv 充滿人情故事和青春印記,六位圈中好友各自帶了一件令他們滿載回憶的私物,而 Patrick 就將私物的回憶化成文字,他說:「首歌係講青春回憶,歌詞中嘅『你』係青春,我請呢幾位朋友喺屋企攞一件令佢哋有青春回憶嘅物件去拍攝,佢哋好好,搵到好有價值嘅嘢同大家分享,例如蔣志光嘅 walkman,點解我寫嘅字句係『現在的垂手可得遠遠不及,曾經的用心經營』,就係講依家我哋嘅音樂垂手可得,隨時 download 到,但係以前我哋為咗輯錄一盒自己喜歡嘅歌曲擺落錄音帶,係需要過程同埋心機,所以以前嘅歌係咁刻骨銘心;亦都可以比喻依家嘅人或者愛情,所有垂手可得嘅唔會珍惜,用心經營過你先識得珍惜。」
 
麥包的故事最傷感,Patrick 說:「佢喺 mv 拎住嘅遊戲機係同佢親生兄弟細個時候一齊玩,但佢嘅兄弟已經離開咗,我就寫咗好朋友,兄弟都可以好朋友,了解麥包你就會更加有感覺。」蓋世寶抱住一隻陪伴她多年的毛公仔出鏡,Patrick 說她初時不想帶來,因為毛公仔很殘破,「佢成日話未同隻毛公仔做手術,因為驚佢痛,但既然咁有意思不如拎嚟,好多女仔會攬住隻公仔,開心攬住佢,唔開心攬住佢喊,甚至同佢傾偈,呢個就係佢表達嘅嘢,佢對呢件物件都做過呢幾啲事。」
 
孫耀威帶來的是本土漫畫《龍虎門》的「龍虎三皇」figure,少年時候的孫耀威在所有書本上都畫滿了「王小虎」的公仔,這就是他的回憶,Patrick 說:「王小虎好打得,我就寫咗一句我們曾經都有著不壞之身,因為有青春,所以我哋覺得係所向披靡、無敵,唔驚有病痛。」
 
至於譚玉瑛姐姐的曝光私物是本日記薄,以前她確有寫日記的習慣,而無數人都曾將自己的感覺或把歌詞寫在薄上,變成好像罰抄歌詞,又會把歌詞套在自己和別人的身上。至於鄭敬基的原子粒收音機,雖然破舊,但作用依然,在 Patrick 眼中,意義是「某啲曾經嘅感覺到今日都係歷久常新,儘管老,只要有思想有諗法,你都依然青春。」
 
這個 mv 看似簡單但實際繞具意義,拍攝過程用心而繁複,Patrick卻覺得很有趣,「要做呢個 mv 嘅時候,我搵咗自己嘅團隊 Memorable Studio 做,奈何我度緊蜜月,但又趕,我用咗蜜月一半嘅時間去約每位 artist 朋友,去諗每條字句同每個故事點做,用好多時間同團隊溝通,導演 Benjamin 將我嘅諗法形體化,拍得非常好,我覺得好有感染力,希望喚醒更多人嘅回憶,令佢哋更珍惜依家擁有嘅嘢。」結束「二分一」馬爾代夫蜜月之旅後,Patrick 一返港就馬上補拍 mv 中的夾 band 唱歌鏡頭,雖然趕到抽筋,但他笑說:「mv 入面嘅我有啲黑黑哋 ( 皮膚 ),都幾型嘅,多謝。」
 
 
 
《那年。某日》歌曲資料
曲/詞:鄧健泓
编曲:葉肇中
監製:林潤明
 
某段 舊記憶繼續浮現
回味那個春天 青春不可蓋掩
曾踏過了多少 春風秋雨回憶不了
珍惜太少 感覺徒然
 
掛念 共你的那份堅持
還是愛聽 一起選的唱片 
年月每天 耗損 跟你無法倖免
不會逆轉 卻要眷戀
 
某日我會記起
一切嚮往仍然是你
再度回味 當中一切未老死
那日會再一起 跟你可再從頭細味
幸福歲月裏 總會遇見你
 
歲月 烙印於每日跟前
其實已經 跑多圈都氣喘
年月太早揭穿   一切無法預算
仿似歷險 刹那太短
 
某日我會記起
一切嚮往仍然是你
再度回味  當中一切未老死
那日會再一起 跟你可再從頭細味
幸福歲月裏 總會遇見你
 
曾經一起 飛千里
無可媲美
某日我會記起
一切嚮往仍然是你
與我常在 當初一切未老死
 
那日會再一起  跟你可再從頭細味
幸福歲月裏 總會遇見你
幸福歲月裏 不怕老死