电影《十月初五的月光》慈善首映 群星祝贺扑酒桶庆萧定一生日

《十月初五的月光》電影版噚晚喺時代廣場，舉行保良局慈善首映禮，由「初哥哥」張智霖、「君好」佘詩曼、「Q姨」薛家燕及「翻生」嘅「司徒禮信」馬浚偉等，聯同超過20名演員出席，吸引大批fans及市民圍觀，場面熱鬧墟冚。

首映後，眾演員拉隊到附近一間日本料理店舉行after party，同時亦為今日光棍節生日嘅中國3D數碼娛樂有限公司老闆蕭定一慶祝生日。

凌晨12點，現場推出三個生日蛋糕，仲有一條200磅、特別從九州預訂運送來港嘅巨型藍鰭吞拿魚，蕭定一許願後與太太及父親、Chilam和家燕姐等，手拎木槌扑開大酒桶，嚇得家燕姐又笑又叫；

而壽星仔當然少不免與賓客們敬酒及放題selfie，亦與旗下藝人Chilam、鄭欣宜、莊思敏、王宗堯、張建聲、陳詩慧、唐貝詩、何佩瑜和少女標本等大合照開心留念。

蕭 定一噚晚與逾200親友賓客共度生日，玩得盡興，佢話：「有咁啱得咁橋啦，噚日係《十月初五的月光》首映，過咗12點又係我生日，好開心好多人同我講好鍾 意呢部戲，亦都好感動。」至於生日願望，蕭定一說：「我最希望當然係我三個小朋友健康快樂，同埋我最慶幸有大班好好嘅朋友成日支持我，友誼永固。」