最新消息

郭伟亮尹扬明撑“暗算天机” 吴海昕蠢爱沉震轩等救命

2018-05-11
耀榮文化出品的全新高智犯罪題材網劇《暗算天機》,於昨晚 (10/5) 在銅鑼灣舉行首映禮,主角沈震軒、吳海昕、郭偉亮(Eric Kwok)、尹揚明及薛國斌等均有出席。
 
Eric Kwok在劇中飾演國際金融公司董事,與統計學博士沈震軒,進入風雲詭變的投資世界創一番事業,沈震軒表示:「Eric Kwok喺劇中係我老闆,佢請我,但原來佢係利用我,並唔係真心賞識我嘅專業知識,最後仲想毀滅世界。」網劇既以金融為主題,所以沈震軒和 Eric Kwok 都要背很多專業名詞,非常不容易。
 
女主角吳海昕首次拍網劇,今次她與沈震軒有很多對手戲,她說:「戲中我係一個痴戀佢嘅傻妹,所以有好多好蝦碌嘢,好似有場戲要同佢煮飯仔,但現實嘅我唔係好識煮嘢食,真係有啲本色演出,反而我睇得出沈震軒係一個廚藝高手,嗰場戲係幾搞笑。」吳海昕又自嘲其角色係蠢蠢豬,「戲中沈震軒同郭偉亮個個都鬥智鬥力,我同沈震軒有條甜蜜輕鬆愛情線,趨向有少少喜劇感。噚晚睇首映我個角色好虛幻、好蠢咁,但又為仔死為仔亡,因為太愛沈震軒,協助佢去識破驚世大陰謀,但最後自己又踩咗落圈套度要佢英雄救美。」
 
改編自暢銷金融商戰小說的《暗算天機》共有十集,hmvod 今日 ( 11/5 ) 正式上架,首播第一二集,下周五( 18/5 ) 會將其餘八集上架,分免費及付費兩種收看模式;除了《暗算天機》,《向西聞記》其他九個單元則於下月陸續推出。