最新消息

醉爆婚禮娶阿佘 子華神貓王上身high到盡

2018-02-02
鐵定下月 15日 年三十晚隆重上映之狗年賀歲猛片《棟篤特工》,近日超前預售 2.14 情人節優先場,反應非常熱烈。今次令唔少觀眾期待、由黃子華飾演的「棟篤特工」Mr.Chan,在戲中使出渾身解數,為達成任務而令好多「Chan女郎」慘變癡心情長劍,傷得最痛的當然係演 madam 的佘詩曼。
「佢亂過馬路 263 次、違例泊車 516 次、公眾地方行為不檢 672 次,同埋無數次亂拋垃圾嘅重犯!」阿佘視子華為超級重犯,要整治對方一萬光年;憎到一個男人入心入肺,次次見親都兜巴星,原因咪係子華悔婚而起,而《棟篤特工》的整個故事,亦由一場好 grand 的醉爆婚禮掀起序幕。
電影一開始,一身白衫白褲、黐鬚擸頭貓王上身的子華就同「處女」阿佘舉行戶外大型婚禮,兩人宴請「Chan助手」C君及大班親友到場,又跳舞又騎木馬,飲到癲玩到 high,但原來所有都係假象,一場婚禮只係執行任務的煙霧彈,所以阿佘對子華又愛又恨,千方百計要將他蹂躪、毒打、抑磨,以洩心頭之憤!