最新消息

孖趙永洪拍廣告救樂視苦主 王宗堯:關公忙過聖誕老人

2017-12-27
樂視香港申請清盤,hmvod 隨即向苦主推出轉會優惠:「樂視睇剩幾耐,hmvod 就送你幾耐!」講得出、做得到,王宗堯 ( Greg ) 和趙永洪仲九秒九拍咗網上廣告 ( https://www.facebook.com/hmvDigitalChinaGroup/videos/1587442878015814/ ),講述「的士佬」趙永洪都係樂視苦主,日日媽叉簽下樂視長約,好彩遇到扮靚仔關公的王宗堯,介紹趙永洪轉會 hmvod,成功消災解難。
 
趙永洪做的士佬入型入格,在《降魔的》之 layer 演技都毋需多講;而王宗堯油紅塊臉黐鬚着古裝扮關公,更加難得一見。當關公遇上的士佬呢幕,網民都話好笑,所以廣告出街一日,views 已近20萬,證明廣告除了夠娛樂性之外,觀眾都好關心轉會優惠。
 
在拍攝廣告當日,Greg 和趙永洪合作好有默契,火花四起,Greg 說:「同趙永洪合作好開心,我哋喺《壹獄壹世界》已經合作過,佢最近喺《降魔的》嘅表現好多人睇到,呢次梗係做番揸的士,最好笑係公司今次度嘅劇本,連關公都出現。」不過拍廣告時撞正冷鋒到,令帶病上陣的 Greg 病多兩錢重,「但好玩嘅,呢個關公以搞笑為主,所以嗰日大家都搵啲嘢度吓玩吓,又攞把梳梳吓啲關公鬚。依家實在太好多關公災難,關公好忙,仲忙過聖誕老人送聖誕禮物,所以我覺得 hmvod 好好,可以出啲特別優惠幫人。」