雨僑跳樓心慌 家棟遇怪事搵屋搬

常說「善惡到頭終有報」，林家棟在本月26日上畫的《常在你左右》中飾演一個貪婪仵工，這個角色就讓他感受到，「呢個人俾我嘅啟示係當你做唔好嘅事，必需付出代價。」

《陰陽路》20周年新作《常在你左右》，由古天樂、張智霖、林家棟、蔡卓妍、佘詩曼等主演，導演為邱禮濤、監製為南燕及唐文康。《常》片秉承了《陰陽路》特色，故事除了集驚、喜於一爐外，亦帶出善惡因果的訊息，饒具意義，就如《常》片中扮演爛賭仵工的家棟，正因為一個貪字所累，偷去婚前跳樓自殺的雨僑之遺體陪葬物，自此頭頭碰着黑，發生連串怪事，又被大耳癃追數於家門外淋紅油，撻到他攤攤腰。

提到演繹這個角色，家棟就說：「佢係貪小便宜嘅人，有靈異事件發生，大家見唔到嘅嘢係我見到。呢個人喺戲入面，即使一個死者嘅陪葬物品都要偷，係不敬、好唔尊重，所以最尾佢要付出代價。」雖則其角色比較沉重，但家棟習慣每次拍完一部電影都會離港散心或者相約朋友會面，令自己盡快平復，融入鏡頭以外的生活。

現實中，原來家棟都發生過不可思議的事件，「我曾經喺以前間屋度瞓覺，成日有一兩點白光飛嚟飛去，我就冇為意，同埋唔會諗太多，因為實在太攰，但我問過一啲懂得靈異嘅人，佢話有啲嘢冤住我！吓，咁都得？佢梗係鬥唔過我啦，我即刻搬吖嘛。」

有一次家棟去醫院探病，亦發生了一件怪事，他說：「醫院部電梯壞咗，行樓梯要經過殮房，嗰時係夏天，殮房就一定冷氣好勁，但我嗰種寒係由心寒出嚟，點解好似番到屋企唔對路，就即刻打俾朋友，佢話有啲嘢對我好好奇，應該跟住你，我話咁爆？我同佢無仇無怨，後來呢個朋友就同我做咗佢認為合適嘅動作同儀式，跟住就冇事啦。」

靈異之事信則有不信則無，雨僑在《常》片的戲份圍繞跳樓、瞓棺材、扮女鬼，但身為基督徒的她就揚言百無禁忌：「我覺得有好多嘢係呢一行嘅習慣，或者傳統，咁我利是當然會收，我係未拍過一套戲係每一場都有利是收，因為都係同死有關嘅場口。」不過拍跳樓的場面，始終要危坐天台，從高處望落地面都心驚驚。