同數百球迷睇波 欣宜撐法國夠後生贏王宗堯

鄭欣宜（Joyce）和王宗堯（Greg）昨晚在奧海城出席 viu TV 舉辦的《全民睇波》派對，吸引了數百人圍觀、一同參與世界盃決賽賽前熱身活動；決賽由法國對克羅地亞，Joyce 同 Greg 兩人分別支持法國及克羅地亞。賽事最終由法國勝出，Greg 表示兩隊上演了一場精彩大戰給大家欣賞。

 

Joyce 在活動中唱出新歌《黑彩虹》，她表示平日甚少睇波，但四年一度的世界盃大戰一定要睇吓，「身邊好多朋友都睇，今屆我就支持法國隊，覺得佢哋後生啲，比較有活力，勢頭好勁。」

 

近期除了忙於宣傳《黑彩虹》外，Joyce 亦到馬來西亞參與電影拍攝工作，「又可以歎當地美食，之前去做《黑彩虹》宣傳時，最鍾意食榴連雪條，我食到連過海關時都仲食緊，真係笑死人！不過最重要係可以跟電影前輩一齊拍攝，可以俾我跟佢哋學吓嘢。」

 

Greg 支持的克羅地亞雖然落敗，但他認為雙方上演了一場精彩賽事，睇得好開心，「支持克羅地亞係因為佢哋嘅精神，有永不言敗嘅奮鬥心，所以我好欣賞佢哋。」