最新消息

【台灣BL神劇】 讚師弟拍同志戲好反應 王宗堯肉搏洋漢感鬱結

2018-07-09
台灣BL神劇《HIStory》第二季的兩個新單元《是非》和《越界》已在 hmvod 上架,上月來港宣傳的 35 歲台灣演員江常輝和 28 歲的張行主演的合體單元《是非》,述說一段大叔師生戀故事,飾演學生的張行為失婚老師江常輝照顧小女兒,路直路彎的江要衝破傳統及心理關口,又要面對校園及世俗的怪異眼光,以大叔的愛來融化張行這塊小鮮肉。
 
之前江常輝來港,在活動上重遇師兄王宗堯 (Greg),原來 Greg 早年簽約台灣經理人公司,他在臨離台灣打算來港發展時,江常輝剛好入門,二人做過一段短時間的同門師兄弟,所以當日他們在香港的 hmvod 派對活動碰頭,亦有打招呼互相問好。Greg說:「同江常輝有一兩面之緣,我知佢由 model 做起,樣樣嘢都做吓,但唔知道佢原來拍呢啲劇,最近呢套劇睇落反應都唔錯,好戥佢高興,因為佢出道日子都唔係短。」他更讚台灣劇集的風氣比較開放,可以容納同性戀題材的作品。
 
其實Greg亦屬同志恩物,從他由台灣返港至今,多年來都有人邀請他拍同志戲,早年他曾拍過一條講述同性戀的電影宣傳片,尺度仲相當勁,「嗰時我啱啱返香港,有接觸過一套同性戀題材嘅戲,都拍得頗為大膽,不過當時覺得好鬱結,因為要同一個唔係咁專業嘅外國人肉搏,佢全裸咁滯,我都有個鏡頭接近全裸,係導演好大膽要求;但拍咗 teaser (先導預告) 之後係冇拍到部正片,套戲係導演嘅親身經歷,因為佢後來過身,事隔好耐再開番,咁橋阿 Mark (胡耀輝)又搵我拍戲,兩部戲都係三級片,咁我第一部三級片係獻俾一部文藝片定係一部網上比較偏門嘅喜劇好呢?我睇完劇本之後,我相信阿 Mark,結果我就俾咗《一路向西》。」
 
Greg在拍戲方面對題材抱開放態度,他亦希望可以拍一些以同志為題材的迷你劇系列,特別是現在有 hmvod 這個不受傳統劇集規限的平台,能令製作百花齊放。