同旦哥拍床戲 娜姐清場噴血裸辭

距離年廿九上畫只倒數兩日。今次小男人梁寬 (旦哥鄭丹瑞)沒有元配阿Ann (鄭裕玲)在身邊，卻換來人氣性感女神周秀娜做女友，兩人仲有令男士們葡萄至極的親熱戲，其中娜姐裸辭一幕，相信男觀眾會睇到鼻血長流。
該場戲指旦哥和秘書女友娜姐趁返工lunch hour竄去酒店偷情，兩人除了瞓床傾心事外，只着胸圍內褲的娜姐更向旦哥遞辭職信，畫面夠晒震蕩。娜姐說：「拍呢場戲要清場，因為有個鏡頭wide shot係全間房見到，同埋有兩隊人拍；而每次拍完一個鏡頭，導演都要出番房，因為睇片個mon喺另一間房，睇完再返嚟拍，其實係唔容易拍。」同旦哥拍親熱戲，娜姐並不覺得尷尬：「嗰場戲已經擺到幾後先拍，咁之前都已經知道有呢場戲，唯一係同旦哥太熟，唔熟都仲好啲，太熟做親呢啲嘢會笑，仲要深情對望。」
旦哥就非常感激娜姐對他的信任，他表示：「戲入面娜姐係我秘書又係我秘密情人，喺間酒店房辭職，係件幾荒謬既嘅，但我一早已經寫咗喺劇本度，圍讀時亦解釋得好清楚，所以佢係好安心將成件事交託俾我，反而係我好緊張，成件事唔能夠辜負佢對我嘅信任。」